စကားလုံးများကပြောသော ကွန်ပျူတာတစ်လုံးနှင့်အင်တာနက်အကြောင်း(စာအုပ်)

စကားလုံးများကပြောသော ကွန်ပျူတာတစ်လုံးနှင့်အင်တာနက်အကြောင်းသည် စာရေးဆရာဟန်ဇော် ရေးသားပြုစုသော ကွန်ပျူတာနှင့်အင်တာနက်အကြောင်း အခြေခံအကြောင်းအရာများဖြစ်ပါသည်။ ကွန်ပျူတာနှင့်အင်တာနက်အသုံးပြုသူများ သိရှိနားလည်ထားသင့်သော အိုင်စီတီဆိုင်ရာအခြေခံအကြောင်းအရာများကို ဝေါဟာရများမှ တစ်ဆင့်ချဉ်းကပ်လေ့လာတင်ပြ ထားပါသည်။ ကွန်ပျူတာနှင့်အင်တာနက်အကြောင်းကို အခြေခံအဆင့် လေ့လာလိုသူများအတွက် ရည်ရွယ်၍ ရေးသားထား သောစာအုပ်ဖြစ်ပြီး စာအုပ်တွင် ဖော်ပြထားသော ဝေါဟာရများသည် အိုင်စီတီ(ကွန်ပျူတာနှင့်အင်တာနက်)အသုံးပြုသူတိုင်း အခြေခံအားဖြင့် သိရှိထားသင့်သော အခြေခံဝေါဟာရများဖြစ်ပါသည်။ ဝေါဟာရတစ်ခုစီတိုင်းကို လွယ်လင့်တကူရှာဖွေနိုင်ရန် ဝေါဟာရတစ်လုံးစီအတွက် မာတိကာတွင် စာမျက်နှာနံပါတ်ဖြင့် ချိတ်ဆက်ဖော်ပြထားပါသည်။

စကားလုံးများကပြောသော ကွန်ပျူတာတစ်လုံးနှင့်အင်တာနက်အကြောင်းစာအုပ်တွင် ‌ဖော်ပြထားသည့် အိုင်စီတီ‌ဝေါဟာရ များအတွက် ဘာသာပြန်ဆိုထားခြင်းသည် စာ‌ရေးသူတစ်ဦးတည်း၏သ‌ဘောဖြင့် ပြန်ဆိုသုံးစွဲထားခြင်းဖြစ်ပါသည်။ ‌ဝေါဟာရ များကို ဘာသာပြန်ဆိုရန်ရည်ရွယ်ချက်ထက် လူမှုဘဝတွင် လူသားတိုင်း‌နေ့စဉ်သုံးစွဲ‌နေရ‌သော ကွန်ပျူတာနှင့်အင်တာနက် ဆိုင်ရာအ‌ကြောင်းအရာများကို ‌ဝေါဟာရအ‌ခြေပြု၍ လွယ်လင့်တကူ‌ကောက်ယူသုံးစွဲနိုင်ရန်ဖြစ်ပါသည်။ အိုင်စီတီအသုံးပြုသူ များ မဖြစ်မ‌နေသိသင့်သည့် ‌ဝေါဟာရများ ဖြစ်ပါသည်။ ထို့‌ကြောင့် ကွန်ပျူတာတစ်လုံးအ‌နေဖြင့် ချဉ်းကပ်သင့်‌သော ‌ဝေါဟာရ များကို ‌ဖော်ပြထားပြီး အင်တာနက်အသုံးပြုသူအ‌နေဖြင့် ချဉ်းကပ်သင့်‌သော ‌ဝေါဟာရများဟူ၍လည်း ‌ဖော်ပြထားပါသည်။ ကွန်ပျူတာဟုဆိုရာတွင် ‌နေ့စဉ်သုံးစွဲ‌နေ‌သော မိုဘိုင်းစမတ်ဖုန်းများ၊ တက်ခ်ပလက်များနှင့်ဆက်စပ်ပစ္စည်းများလည်းပါဝင် လာပါသည်။ စမတ်ဖုန်းများမှာလည်း ကွန်ပျူတာများသာဖြစ်ပါသည်။ ထိုသို့‌ဖော်ပြရာတွင် ထပ်‌နေ‌သော‌ဝေါဟာရများရှိ‌နေ သည်ကို စာဖတ်သူအ‌နေဖြင့် ‌တွေ့မြင်ဖတ်ရှုရမည်ဖြစ်ပါသည်။  အိုင်စီတီကို ‌လေ့လာရာတွင် မဖြစ်မ‌နေသိသင့်သည့်အ‌ကြောင်း အရာများဖြစ်‌နေပါသဖြင့် ထိုသို့‌ဖော်ပြထားရခြင်းဖြစ်ပါသည်။

စာအုပ်တွင် စာ‌ရေးသူအ‌နေဖြင့် တင်ပြထား‌သော ‌ဝေါဟာရများနှင့်အ‌ကြောင်းအရာများသည် အိုင်စီတီအသုံးပြုသူအဆင့်ကို ရည်ရွယ်ပါ‌သော‌ကြောင့် အ‌ခြေခံအဆင့်တင်ပြချက်များသာဖြစ်ပါသည်။ အိုင်စီတီနည်းပညာကို အဆင့်မြင့်အဆင့်သော်လည်း‌ကောင်း၊ ပညာရှင်အဆင့်‌သော်လည်း‌ကောင်း ‌လေ့လာလိုက်စားမည် ဆိုပါက ယခုစာအုပ်တွင် ‌ဖော်ပြထားသည်နှင့်မလုံ‌လောက် နိုင်ပါ။ ပညာရပ်ဆိုင်ရာ သီးခြားစာအုပ်များကို ‌လေ့လာဖတ်ရှုမှသာ လုံ‌လောက်နိုင်မည်ဖြစ်ပါသည်။

စကားလုံးများက‌ပြော‌သော ကွန်ပျူတာတစ်လုံးတွင် တင်ပြထား‌သော အ‌ကြောင်းအရာများအတွက် အခန်းကဏ္ဍ(၂)ခုရှိပါ သည်။ ပထမအခန်းကဏ္ဍမှာ ကွန်ပျူတာတစ်လုံး၏ လုပ်ငန်း‌ဆောင်တာများနှင့်သက်ဆိုင်ပါသည်။ ဒုတိယအခန်းကဏ္ဍမှာ ကွန်ပျူတာတစ်လုံး၏ ရုပ်ဝတ္ထုများနှင့်သက်ဆိုင်ပါသည်။ စကားလုံးများက‌ပြော‌သော အင်တာနက်အတွက် တင်ပြထား‌သော အ‌ကြောင်းအရာများတွင် ‌ဝေါဟာရစုစု‌ပေါင်း(၃ဝ)မှတစ်ဆင့်‌လေ့လာရမည့်အ‌ကြောင်းအရာများကို ‌ဖော်ပြထားပါသည်။

စာအုပ်တွင် တူညီ‌နေ‌သော‌ဝေါဟာရများအပါအဝင် အိုင်စီတီ‌ဝေါဟာရစုစု‌ပေါင်း(၄ဝ)ကို ‌ဖော်ပြထားပါသည်။ ‌ဝေါဟာရတစ် လုံးခြင်းကို လွယ်လင့်တကူ ချဉ်းကပ်‌လေ့လာ အသုံးပြုနိုင်ရန်အတွက် ‌ဝေါဟာရများအား စာမျက်နှာအလိုက် အင်္ဂလိပ်အက္ခရာ စဉ်အတိုင်း ‌ဖော်ပြထားပါသည်။ စာအုပ်တွင် ‌ဖော်ပြထား‌သော အ‌ကြောင်းအရာများသည် ပညာရှင်ရှု‌ထောင့်မှ ‌ရေးသား‌ဖော်ပြ ထားခြင်း မဟုတ်ပါဘဲ အိုင်စီတီဘာသာရပ်ကို ‌လေ့လာသူအ‌နေဖြင့် ‌လေ့လာသူရှု‌ထောင့်မှ တင်ပြထားခြင်း ဖြစ်ပါသည်။ စာအုပ်ပါအကြောင်းအရာများသည် ကွန်ပျူတာနှင့်အင်တာနက်အသုံးပြုသူ အခြေခံအဆင့်ကို ရည်ညွှန်းပါသည်။ စာအုပ်ကို ပထမအကြိမ်အဖြစ် ၂၀၁၈ ခုနှစ် ဇွန်လတွင် ဟိမ၀န္တာစာပေမှ စာမျက်နှာ ၁၀၃ မျက်နှာဖြင့်ထုတ်ဝေ၍ တန်ဖိုး ၂၅၀၀ ကျပ်ဖြင့် ရောင်းချပါသည်။

Please follow and like us:
0