ရူပဗေဒဆိုင်ရာ၊ ဓာတုဗေဒဆိုင်ရာ၊ ဆေးပညာဆိုင်ရာ၊ စာပေဆိုင်ရာ၊ ငြိမ်းချမ်းရေးနှင့် စီးပွားရေးသိပ္ပံဆိုင်ရာတို့အတွက် နိုဘယ်ဆုကို ပေးလေ့ရှိသည်။ စာပေဆိုင်ရာနိုဘယ်ဆုကို ၁၉၀၁ ခုနှစ်မှ စတင်၍ပေးအပ်ခဲ့ရာ ၂၀၁၃ ခုနှစ်အထိရေတွက် လျှင် နှစ်ပေါင်း ၁၁၂ နှစ်တိုင်ခဲ့ပြီဖြစ်သည်။

၂ဝ၁၃ ခုနှစ် နှစ်ကုန်ပိုင်းမှာ စာပေနိုဘယ်ဆုရှင် ဒေါရစ်လက်စင်း ကွယ်လွန်သွားသည့် သတင်းကို စာရေးသူ ဖတ်လိုက်ရသည်။ ထိုသတင်းဖတ်မိမှပဲ စာပေနိုဘယ်ဆုရှင် ဒေါရစ်လက်စင်းဆိုတာ ရှိနေမှန်းသိ တော့သည်။